|
Dilnura
Qodirjonova san’atimiz osmonida
porlagan yulduz edi. Yuksak va jarangdor
ovozi, ovozidagi ajib ehtirosi ashulaga
joziba bag`ishlar, bir eshitgan
kishi yana eshitsam der, ammo eshitib
to`ymasdi.
Dilnuraning
vafoti qalblarni larzaga soldi...
Undan yuraklarda dard va armon,
va haddi adosiga yetkazib ijro etilgan
mumtoz navolar qoldi. “Ey sabo”,
“Munojot”, “Qurbon o`lam”, “Nasrulloyi”,
“Samarqand ushshog`i”, “Farg`onacha
Shahnoz”, “Feruz”, “Guluzorim”,
“Bir kelib keting”... yana qay birini
aytay?!..
Umid va tasalli ulkim, bu taronalar
har bir o`zbek xonadonida jaranglab
yashayveradi. Ular barobarida xonanda
ham yashayveradi. Demak, Dilnuraga
o`lim yo`q.
Alloh
uni g`ariqi rahmat, shoyistayi jannat
aylasin. Quvvayi nafasini farzandlariga
ato etsin. Omiyn, Rabbul olamiyn!
KIM EDI?
Do`stlar,
gulshan aro gulg`uncha xandon
kim edi?
Bizni mast etgan o`shal bulbul,
g`azalxon kim edi?
Bilmadim aslin, namanganlikmi
yo farg`onalik?
Ko`zlari jodu, ajab, zulfi parishon
kim edi?
Kuylasa har gal, u xonishdin
yuraklar suv bo`lib,
Nolish aylarkan, yana o`tlarga
solg`on kim edi?
Gar ovozin qo`ysa, to etgaydi
osmon avjiga,
Savti Ushshoqu Navo avjini olg`on
kim edi?
Sahnada gar bo`lsa paydo Sarviguldåk
qomati,
Poyiga gullar kelib, bir-bir
yiqilg`on kim edi?
Ko`ksida dard erdi har dam,
bo`ynida durdona ham,
Oshnosi ikki ul – chin birla
yolg`on, kim edi?
Ul
go`zal Dilnura erdi, ketdi nogoh
kuydirib,
Termulib bizdek yana yo`llarda
qolg`on kim edi?
O`zbekiston xalq
shoiri Jamol
Kamol
|
|
